Urgut tumanidagi “CHorchinor” yozgi dam olish oromgohida sport musobaqasi o'tkazildi

O'zbekiston milliy Olimpiya qo'mitasi, O'zbekiston Kasaba uyushmalari federaciyasi hamda O'zbekiston Respublikasi Jismoniy tarbiya va sport vazirligi tomonidan tasdiqlangan Nizomga asosan joriy yilning 28 iyul kuni Urgut tumanidagi “CHorchinor” yozgi dam olish oromgohida “OLIMPIYA HARAKATI” shiori ostida sportning shaxmat, shashka, futbol, quvnoq startlar, voleybol turlaridan sport musobaqalar o'tkazildi.

Ushbu sport musobaqasida yozgi dam olish oromgohidagi 150 nafardan ortiq bolalar va o'smirlar ishtirok etdi.

Musobaqa yakunida g'oliblar tashkilotchilarning diplom va sovg'alari bilan taqdirlandi.