Urugvayning asosiy futbolchilari O'zbekistonga qarshi bahsni o'tkazib yuborishi mumkin

Xabaringiz bor, yaqinlashib kelayotgan FIFA kunlarida O'zbekiston milliy terma jamoasi ikki karra jahon chempionlari Urugvay terma jamoasiga o'rtoqlik uchrashuvida ishtirok etadi. Uchrashuv 13 oktyabr kuni Malayziyada o'tkazilishi rejalashtirilgan. Urugvay terma jamoasining ikki nafar asosiy futbolchisi - hujumchi Darvin Nunes va himoyachi Xose Mariya Ximenes, O'zbekistonga qarshi bahsni o'tkazib yuborishi mumkin. Yozda "Al Hilol" safiga ko'chib o'tgan hujumchi o'tgan hafta mashg'ulotlardan birida tizzasidan jarohat olgan va ayni damda jarohatdan tiklanish jarayonida. SHu sababli, Nunes Elit OCHL doirasidagi "Nasaf"ga qarshi uchrashuv qaydnomasidan o'rin olmadi va Qarshiga kelmadi. Riyod klubi bosh murabbiyi Simone Inzagi matbuot anjumanlaridan birida Nunes FIFA kunlari davomida jarohatidan to'liq tiklanib olishi haqida aytib o'tdi.

"Atletiko" himoyachisi Xose Mariya Ximenes esa KJCHda olgan jarohatidan tiklanmoqda. Urugvaylik himoyachi so'nggi bor, 20-iyun sanasida KJCH doirasida o'tkazilgan "Atletiko" - "Sietl Saunders" o'yinida maydonda harakatlangan edi. Mundo Deportivo malum qilishicha, Ximenes jamoaviy mashg'ulotlarga qaytib ulgurgan, ammo shanba kuni o'tkazilgan "Real"ga qarshi o'yin qaydnomasidan o'rin olmagan edi. SHuningdek, urugvaylik jurnalist Xaver De Leon malum qilishicha Ximenes Urugvay terma jamoasining oktyabr oyidagi yig'inlariga chaqirilish ehtimoli kam.