US Open. 19 ta qo'shxato qimmatga tushdi. Amaldagi chempion yutqazdi

Amerikalik iqtidor egasi to'rtinchi davra uchrashuvida reytingning 12-pog'onasida borayotgan vatandoshi Emma Navarroga uch set natijasiga ko'ra imkoniyatni boy berib qo'ydi - 3/6, 6/4, 3/6. Emma tennischilarning o'zaro uchrashuvi hisobida ham oldinga chiqib oldi - 2:1. 

Ikki soatu 14 daqiqa davom etgan bahsda Goff 2, Navarro 1 ta eys zarbasini amalga oshirdi. Qo'shxatolar bo'yicha Kori "chempion" bo'ldi - 19 ta! Navarroda bu ko'rsatkich 2 tani tashkil qildi. Breyklar bo'yicha ustunlik Emma tomonida bo'ldi - 4 ga 2. Endi u ispaniyalik Paula Badosaga qarshi kortga chiqadi.