07 sen 12:45
Yangiliklar
Tennis
US Open. Amerika derbisidan keyin ikkinchi finalchi malum bo'ldi
AQSHning Nyu-York shahrida o'tkazilayotgan tennis bo'yicha "Katta Dubulg'a" turkumiga kiruvchi US Open turnirining erkaklar o'rtasidagi yakkalik bahslarida ikkinchi finalchi aniqlandi.
Amerikalik tennischilar — Teylor Fritc va Frensis Tiafo bahsi besh set davom etdi. Unda dunyoning 12-raketkasi bo'lib turgan Teylor Fritc ATP reytingida 20-pog'onadan joy olgan vatandoshi Frensis Tiafoni mag'lubiyatga uchratdi — 4:6, 7:5, 4:6, 6:4, 6:1.
Uch soatu 18 daqiqa davom etgan bahsda Fritc 15, Tiafo esa 11 ta eys zarbasini amalga oshirdi. Endi Teylor Fritc finalda dunyoning birinchi raketkasi Yannik Sinnerga qarshi kortga chiqadi. Italiyalik tennischi 1/2 finalda reytingning 25-pog'onasidan joy olgan britaniyalik Jek Dreyperni taslim etdi — 7:5, 7:6 (7:3), 6:2.
Havola :
Manba : championat.com
Fikrlar