US Open turniridan keyin dunyoning ikkinchi raketkasi o'zgaradi

Xususan, dunyoning to'rtinchi raketkasi Aleksandr Zverev AQSH Ochiq chempionatidan so'ng reytingning ikkinchi pog'onasiga ko'tarilib oladi. Nyu-Yorkdagi turnirda germaniyalik tennischi 1/4 finalga etib keldi. 

Ushbu natija evaziga u ispaniyalik Karlos Alkaraz va Novak Jokovichni ortda qoldirib, dunyoninng ikkinchi raketkasiga aylanib oladi. Bu ikki tennischi mos ravishda ikkinchi va uchinchi bosqichlarda raqiblariga yutqazib, o'z ishtiroklarini to'xtatishgan edi. 

SHu kungacha ikkinchi raketka bo'lish imkoniyatni Daniil Medvedevda ham bor edi. Ammo u 1/4 finalda sayyoramizning birinchi raqamli tennischisi Yannik Sinnerga yutqazib, bu imkoniyatdan mahrum bo'ldi. Zverev 2022 yilning iyun oyida ilk bor reytingning ikkinchi pog'onasiga ko'tarilgandi. Bu uning shaxsiy rekordi hisoblanadi.