US Open turnirining ayollar o'rtasidagi bahslarida chempion aniqlandi

US Open turnirining ayollar o'rtasidagi bahslarida g'olib aniqlandi. Hal qiluvchi final uchrashuvida dunyoning ikkinchi raketkasi belaruslik Arina Sobolenko WTA reytingida oltinchi pog'onada borayotgan amerikalik Jessika Pegulani ikki setda ham bir xil hisobda mag'lubiyatga uchratdi - 7/5, 7/5.

Tennischilarning o'zaro uchrashuvlarida Arina katta farq bilan oldinda bormoqda - 6:2. Bir soatu 54 daqiqa davom etgan bahsda Sobolenko 6, Pegula 4 ta eys zarbasini amalga oshirgan. Breyklar ham xuddi shu ko'rinishda belaruslik tennischi foydasiga hal bo'ldi. Qo'shxatolar bo'yicha ustunlik ham Arina tomonida - 5 ga 4! 

SHu tariqa, Arina Sobolenko mavsumdagi ikkinchi "Katta Dubulg'a" turniri bosh sovrinini qo'lga kiritdi. U yanvar oyida Australian Open turnirida ham chempion bo'lgan edi. Nyu-Yorkdagi ikki haftalik muvaffaqiyatli ishtirok Arinaga 2000 reyting ochkosi va 3 million 600 ming AQSH dollari mukofot puli keltirdi. Vice-chempion Pegula esa 1300 ochko va 1 million 800 ming dollar ishlab oldi.