20 apr 20:06
Yangiliklar

Kurash

Uychida O'zbekiston chempionati start oldi FOTOGALEREYA

Bugun Namangan viloyat Uychi tumanidagi 1-sonli bolalar-o'smirlar sport maktabida belbog'li kurash bo'yicha 1999-2000 yillarda tug'ilgan o'g'il bolalar va qizlar o'rtasida O'zbekiston chemionati boshlandi.

Dastlab, musobaqaning tantanali ochilish marosimi tashkil etildi.

Marosimda so'z olgan O'zbekiston milliy belbog'li kurash federaciyasi raisi Ravshan Dastirov, Namangan viloyat hokimining o'rinbosari Faxriddin Matkarimov, viloyat jismoniy tarbiya va sport boshqarmasi boshlig'i SHokir Karabaev va boshqalar bugun mamlakatimizda jismoniy tarbiya va sportga, xususan, bolalar sportiga qaratilayotgan yuksak etibor natijasida yoshlarimizning xalqaro sport maydonlarida muvaffaqiyatlarga erishayotgani haqida takidlab, musobaqada ishtirok etayotgan polvonlarga omad tilashdi.

Badiiy jamoalar tomonidan tayyorlangan kuy-qo'shiqlar marosimga, yig'ilganlar ko'ngliga xushnudlik bag'ishladi.

SHundan so'ng, Qoraqalpog'iston Respublikasi, Toshkent shahri hamda viloyatlardan kelgan 200 nafarga yaqin polvonlarning belbog'li kurashning erkin va klassik yo'nalishlaridagi bellashuvlariga start berildi.