#uydaqol! #hayotgaqo'shil! chellenjining navbatdagi g'oliblari Toshkent shahri, Jizzax va Navoiy viloyatlaridan

Yurtdoshlarimiz orasida uy sharoitida jismoniy tarbiya va sport bilan faol shug'ullanishni keng targ'ib etishni maqsad qilgan chellenj aholi o'rtasida katta qiziqishlarga sabab bo'lmoqda. SHu boisdan hafta davomida yuzlab videoroliklar taqdim etilmoqda.

24-30 avgust kunlari oralig'ida o'tkazilgan #uydaqol! #hayotgaqo'shil! chellenji davomida kelib tushgan videoroliklardan eng yaxshi 3 tasi hakamlar hayati tomonidan saralab olindi.

Unga ko'ra, Toshkent shahrining Yashnobod tumanida istiqomat qiluvchi Esanmurodovlar oilasi chellenjning ushbu haftadagi soni g'olibiga aylanishdi.

CHellenjning 2-o'rini Jizzax viloyatidan Mohinur Puxarovaga nasib etdi.

Kuchli uchlikka Navoiy viloyati, Karmana tumanida yashovchi SHokirovalar oilasi yakun yasab berdi.

CHellenjning keyingi g'oliblari 31 avgust – 6 sentyabr kunlari chellenjda faol ishtirok etganlar orasidan tanlab olinadi. Yana bir gap, ilk urinishda g'olib bo'lolmagan yurtdoshlarimiz yana o'z mahoratlarini sinab ko'rishi mumkin. SHunday ekan, tushkunlikka tushmasdan maqsad sari intilishda davom eting.

Barcha yurtdoshlarimizni ushbu chellenjda faol qatnashishga chorlaymiz.