"Uzbek Tigers" - "China Dragons" 5:0. Bokschilarimizda yuz foizlik g'alaba!

Unda bokschilarimiz 5ta jangning barchasida raqiblarini katta ochko farqi bilan mag'lubiyatga uchratishdi. Endi 1 aprel kuni "Uzbek Tigers" bokschilari Toshkentda "Astana Arlans" jamoasini qabul qilishadi. 

Matnli translyaciya

20:47. Jang muddatidan avval yakunlandi. Uchinchi raund o'rtalarida xitoylik bokschining murabbiylari mag'lubiyatni tan olgan holda ring markaziga sochiq tashlashdi.

20:45. Bir ovozdan hakamlar yana 10:9 hisobidagi ustunlikni Jalolovga berishdi 

20:44. Ikkinchi raund yakunlandi. Bu raundda ham Bahodirning ustunligi sezilib turdi.

20:40. Uchchala hakam ham 10:9 hisobidagi bir xil g'alabani bokschimizga taqdim etdi 

20:39. Birinchi raund yakunlandi. Unda bo'y jihatdan raqibidan balandroq bo'lgan Jalolov ustunlikka ega bo'ldi

20:34. Oqshomning so'nggi jangiga ham navbat etib keldi. Eng og'ir +91 kg vazn toifasidagi bokschilar ringga chiqishdi. Hamyurtimiz Bahodir Jalolov CHin yurti vakili Xaipeng Muni sinovdan o'tkazadi

20:31. Taxmin qilganimizdek, Bektemir raqibini muddatidan avval mag'lubiyatga uchratdi

20:27. Bektemir birinchi raundni yaqqol ustunlik bilan yakunladi. Zarvorli zarbalari bilan raqibini muvozanatdan chiqara olishga erishdi. Katta ehtimol bilan jang oxirigacha davom etmaydi. Yani, muddatidan avval yakunlanadi. Hakamlarning ochkolari 10:9, 10:9, 10:8.

20:22. Endi navbat -81 kg vazn toifasidagi bokschilarga. Bu vaznda Rio Olimpiadasi kumush medali sovrindori Bektemir Meliqo'ziev ringga ko'tariladi. Uning raqibi Jiabin Xuang bo'ladi.

20:20. Va albatta, Krishtianu Ronalduga xos harakat. Rio Olimpiadasi yodingizga tushib kettimi  

20:19. Jang yakunlandi. SHahram G'iyosov katta ustunlik bilan raqibidan ustun keldi. 

20:14. To'rtinchi raund ham yakunlandi. Tabiiyki, bu uch daqiqalikda hamyurtimiz katta ustunlikka ega bo'ldi.

20:12. SHahramning kuchli zarbasidan so'ng referi hisobni ochdi. Jang davom etadi

20:10. Uchinchi raund ham yakuniga etdi. Bu raund avvalgilariga qaraganda ancha shiddatli kechdi. Bokschilar o'zaro zarbalarni almashib olishdi. Hisob esa yana o'sha ko'rinishda bo'ldi - 10:9, 10:9, 10:8, bokschimiz foydasiga 

20:06. Ikkinchi raund ham yakunlandi. Bu 3 daqiqalikda ham hamyurtimiz raqibiga nisbatan ustunlik qildi. Xuddi birinchi raundda bo'lgani kabi bu safar ham hakamlar 10:9, 10:9. 10:8 hisobida G'iyosovning foydasiga qaror chiqarishdi

20:04. SHahramdan Ronalduga xos harakatlarni ko'ryapmiz

20:02. Birinchi raund 10:9, 10:9. 10:8 hisobida G'iyosovning foydasiga hal bo'ldi

19:59. Navbat Rio Olimpiadasi kumush medali sovrindori SHahram G'iyosovga

19:54. Ikkinchi vakilimiz ham o'z jangini g'alaba bilan yakunladi. Murodjon Ahmadaliev xitoylik bokschi Sen Vangni mag'lubiyatga uchratdi.  

19.52. So'nggi beshinchi raundda xitoylik bokschi mo'jiza ko'rsata olmayapti.  

19.50. To'rtinchi raund ham bokschimizning g'alabasi bilan yakunlandi. Hakamlarning barchasi 10:9 hisobida Rio Olimpiadasi sovrindorining g'alaba qozonganini qayd etishdi.  

19:45. Uchinchi raundda Murodjon raqibini katta ustunlik bilan mag'lubiyatga uchratdi. Hakamlarning barchasi 10:8 hisobida hamyurtimizning g'alabasini taminlashdi.

19:40. Eslatib o'tamiz, janglarda Turkiya, SHri-Lanka, Angliya va Janubiy Koreyadan tashrif buyurgan hakamlar ishlamoqdalar.

19:35. Murodjon Ahmadaliev o'z jangini boshladi!

19:31. Jangda 50:44, 50:45, 49:45 hisoblarida bokschimiz g'alaba qozondi! Hisob 1:0! "O'zbek yo'lbarslari" oldinda!

19:30. Beshinchi raundda ham bokschimiz g'alaba qozondi!

19:25. Qoyil! Ushbu raundda bokschimiz yaqqol ustunlik bilan g'alaba qozondi. U xattoki raqibini nokdaun holatiga ham tushirib qo'ya oldi!

19:21. Uchinchi raund ham Abror foydasiga!

19:17. Ikkinchi raund to'liq Abrorning ustunligi ostida kechdi.

19:13. Birinchi raund 2:1 hisobida bokschimiz foydasiga hal bo'ldi. Yaxshi!

19:09. Jang boshlandi! Olg'a, Abror!

Birinchi bo'lib -52 kg vazn toifasida Abrorjon Qodirov Yong CHangga qarshi jang qiladi! Sportchilar ringga chiqib kelmoqdalar!

Ayni paytda jamoalar azolari tanishtirilmoqda!

Bugun biz quyidagi qarama-qarshiliklar guvohiga aylanamiz:

Abrorjon Qodirov - Yong CHang(-52 kg)

Murodjon Ahmadaliev - Sen Vang (-60 kg)

SHahram G'iyosov - Vei Liu (-69 kg)

Bektemir Meliqo'ziev - Jiabin Xuang (-81 kg)

Bahodir Jalolov - Xaipeng Mu (+91 kg)

Assalomu alaykum sport ishqibozlari. "O'zbek yo'lbarslari"ning xitoylik raqiblariga qarshi janglaridan matnli translyaciyani boshlaymiz!