"Uzbek Tigers" vs "Astana Arlans". Barcha janglarni tomosha qiling! (VIDEO)

Олимпиада ўйинларидан сўнг юзага келган вазият, яъни баъзи боксчиларимизнинг фаолиятини тугатиши (Элшод Расулов, Рустам Тўлаганов, Хуршид Тожибоев), баъзиларининг эса профессионал боксга ўтиши (Фазлиддин Ғоипназаров) ва айрим боксчиларинг ўз вазнини ўзгартириши (Шахобиддин Зоиров, Муроджон Ахмадалиев, Эльнур Абдураимов, Исроил Мадримов, Бектемир Мелиқузиев, Зухриддин Махкамов ва Мирзобек Хасанов) ўзбек хаваскор боксида анчайин бўшлиқ юзага келишига сабаб бўлди. Бунинг оқибатида ўз вазн тоифасида Хасанбой Дўсматовдан бошқа яққол етакчи йўқ ва бу боксчиларимиз томонидан ўтказилаётган жангларда яққол кўриниб қолмоқда. Бу бўшлиқни тўлдириш учун биринчи навбатта бугунги кунда ўз вазн тоифасида яққол етакчи ким шу масалага аниқлик киритиб олиш зарур. Бунинг учун ички чемпионат ва махаллий мусобақаларга барча терма жамоа боксчиларини жалб этиб, мухлислар кўз ўнгида ким аслида 1-рақам бўлишга муносиб эканлигига ойдинлик киритиб олиш зарур. Шу билан бир қаторда фақат бир неча боксчиларга ишонч билдиравериш бошқа боксчиларда норози кайфиятнинг юзага келишига ва уларнинг фаолиятини тугатиш ёки профессионал боксга ўтиб кетишига сабаб бўлиши мумкин.