Uzoq kutilgan Uaylder - Fyuri jangi yakunlandi

Hakamlar jangda durang qayd etilganini malum qilishdi!

Olamsport.com sayti jangdan matnli translyaciya olib bordi. 

JANG YAKUNLANDI. Hakamlar qarorini kutamiz!

So'nggi raundda Uaylder yana bir marotaba raqibini nokdaunga tushirdi. Ammo, Fyuri yana o'zida kuch topa oldi va jangni oxirigacha etkazib qo'ydi. 

O'n birinchi raund ham nihoyasiga etdi. Ammo, aniq ishonch bilan kimnidir g'alaba qozonadi deb ayta olmaymiz. 

O'ninchi raund yakunlandi. Yana ikki raund qoldi. 

To'qqizinchi raundda ilk nokdaun qayd etildi. Uaylder ketma-ket zarbalardan so'ng Fyurini nokduan holatiga tushirdi. Ammo, Tayson o'rnidan turdi va raundni yakuniga etkazib qo'ydi. 

Ettinchi raundni bokschilar faol o'tkazishdi. Uaylder seriya uyushtirdi, Fyuri esa o'zining bir necha aniq zarbalarini amalga oshirdi. 

Oltinchi raund ham yakunlandi. Qaysidir bokschini yaqqol ustunlikka erishmoqda demagan bo'lardik. 

Beshinchi raund. Fyuri nisbatan ko'proq zarba berishga urinmoqda. Ammo, zarbalarning barchasi ham etib borayotgani yo'q. Uaylder esa sifatga etibor qaratmoqda.

To'rtinchi raund katta ehtimol bilan Fyuri foydasiga hal bo'ldi. 

Uchinchi raundni ham Uaylder faol o'tkazdi.

Ikkinchi raund ham yakunlandi. Raund so'nggida Uaylder ustunlikka ega bo'ldi. 

Uaylder jang oldidan nisbatan favorit hisoblanayotgandi. Biroq, Fyuri bu shunchaki taxmin ekanligini isbotlamoqda. 

Birinchi raund odatga ko'ra tanishuv bilan boshlandi.

Jang boshlandi!

Har ikki bokschi ringga chiqib keldi. 

Britaniya va AQSH madhiyalari yangradi.

Los-Anjelesda boks bo'yicha WBC yo'nalishi bo'yicha jahon chempioni Deontey Uaylder hamda sobiq jahon chempioni Tayson Fyuri o'rtasidagi jang start olmoqda.