18 noy 16:41
Yangiliklar

Futbol

Valeriy Karpin: "O'zbekistonga qarshi o'yinda butunlay boshqa tarkib bo'ladi"

Rossiya terma jamoasi bosh murabbiyi Valeriy Karpin Tojikiston terma jamoasi bilan o'yindagi durangdan (0:0) so'ng fikrlarini bildirdi.

U O'zbekiston terma jamoasiga qarshi bo'lib o'tadigan o'yinda boshqa tarkibdan foydalanishini malum qildi.

"O'zbekistonga qarshi tarkib butunlay boshqacha bo'ladi. Bugun ko'pchilik uchun terma jamoa uchun birinchi yoki ikkinchi o'yin bo'ldi. Umid qilamanki, Toshkentdagi o'yinda yanada mustahkam ko'rinamiz. O'zbekiston bilan boshqa darajadagi bahs bo'ladi", – dedi Karpin.

Eslatib o'tamiz, O'zbekiston – Rossiya o'rtoqlik uchrashuvi 20 noyabr kuni 17:00 da boshlanadi.