Vazirlikda o'zbek tiliga davlat tili maqomi berilgan kunga bag'ishlab tadbir o'tkazildi

Aynan shu tarixiy hujjatga binoan o'zbek tili mustahkam huquqiy asos va yuksak maqomga ega bo'ldi.

Til insonlarning nafaqat o'zaro aloqa vositasi, balki manaviyati, marifati hamdir. O'zbek tili xalqimiz uchun milliy o'zligimiz, mustaqil davlatimiz timsolidir.

O'zbekiston Respublikasi Jismoniy tarbiya va sport vazirligida o'zbek tiliga davlat tili maqomi berilganiga 31 yil to'lishi munosabati bilan «Qadring baland bo'lsin, ona tilim!» shiori ostida bayram tadbiri o'tkazildi.

Mazkur tadbirda Jismoniy tarbiya va sport vazirining birinchi o'rinbosari Ravshan Irmatov, Jismoniy tarbiya va sport vaziri o'rinbosari Avazjon Karimov hamda vazirlik xodimlari ishtirok etdi.

Dastlab R.Irmatov Jismoniy tarbiya va sport vazirligining barcha xodimlarini O'zbek tili bayrami bilan samimiy tabrikladi. SHundan so'ng, tadbir ishtirokchilari ham o'zbek tili to'g'risida o'z fikrlarini bildirib o'tdi.

Samimiy va ko'tarinki ruxda o'tkazilgan tadbirda «Davlat tilida ish yuritish» va besh tomdan iborat «O'zbek tilining izohli lug'ati» taqdimoti o'tkazildi. SHundan so'ng, bir guruh xodimlar esdalik sovg'alari bilan taqdirlanishdi.