23 mar 08:21
Yangiliklar
Velosport: trek yo'nalishida O'zbekiston chempionligi kimlarga nasib etdi?
Unda Qoraqalpog'iston Respublikasi, viloyatlar hamda Toshkent shahri terma jamoalari g'oliblik uchun bahs olib borishdi.
CHempionatda ilk bor para-velosportchilarning ishtirok etishi haqiqatda tarixiy voqeaga aylandi. Bu esa mamlakatimizda aholining har bir qatlamiga sport bilan shug'ullanish imkoniyati yaratilganidan darak beradi. Musobaqa natijalariga ko'ra, kelgusida sportchilar saralab olinib, O'zbekiston milliy paralimpiya associaciyasi bilan hamkorlikda Parij-2024 Paralimpiya o'yinlari yo'llanmalari uchun kurash olib borishi ko'zda tutilgan.
Jismoniy tarbiya va sport vazirligi, Milliy olimpiya qo'mitasi, Milliy paralimpiya associaciyasi, O'zbekiston velosiped sporti federaciyasi, Sportning qishki va murakkab texnik turlari bo'yicha respublika oliy sport mahorati maktabi hamda qator hamkor tashkilotlar bilan birgalikda tashkil etilgan mazkur chempionatda bugun final bosqichi bo'lib o'tdi.
Yakuniy natijalarga ko'ra, erkaklar o'rtasida Danil Evdokimov, Aleksey Fomovskiy, ayollar o'rtasida esa Yanina Kuskova hamda Margarita Misyurina O'zbekiston chempionligini qo'lga kiritdi.
SHuningdek, Anna Kulikova, Yanina Kuskova hamda Nikita Stenkovoy sport ustasi talabini ham bajarishdi.
CHempionat g'oliblari va musobaqada yuqori natijalarni qayd etgan barcha velosportchilarga tashkilotchilar tomonidan diplom hamda esdalik sovg'alari topshirildi.
Fikrlar