Vladimir Mineev Islam Maxachevga salom yo'lladi

"Islam uchun juda xursandman va chempion bo'lgani bilan tabriklayman! Fursatdan foydalanib, unga salom yo'llamoqchiman. Biz bir-birimizni yaxshi taniymiz. Islam, Xabib va uning jamoasi uchun xursandman. Rossiya UFC kamariga ega va bu ajoyib!", - dedi Mineev o'z intervyusida.

Mineev Islam - Oliveyra to'qnashuvi oldidan ikki jangchining ham imkoniyatini teng baholagan edi va natija uni hayratda qoldirdi. 

"Jang natijasidan hayratda qoldimmi? Islamni kuchli ekanini bilardim, ammo bunchalik deb o'ylamagan edim... SHuning uchun ham unga gap yo'q! Barakalla! Erkak! Bizniki!", - deya qo'shimcha qildi Mineev.

Eslatib o'tamiz, Abu-Dabida bo'lib o'tgan 280 turnirida Islam Oliveyrani mag'lub etib, chempionlik kamarini qo'lga kiritgan edi.