WBC Silver chempionlik kamari sohibi 18 noyabr kuni Andijonda jang o'tkazadi

Aslida hamyurtimiz shu oyda AQSH zaminidagi ilk jangini o'tkazishi kerak edi. Afsuski, viza muddatini o'z vaqtida uzaytira olmagan bokschimiz O'zbekistonga qaytib kelgandi. Qudratillo ertadan keyin Andijonda tashkil etiladigan professional boks kechasida ringga chiqadi.

Abduqahhorovning raqibi yana bir o'zbekistonlik bokschi SHerzod Alimjonov bo'ladi. Ana shu jangdan so'ng Qudratillo AQSHga jo'nab ketadi va yanvar oyida jahon chempionlik kamari uchun ringga chiqadi. Hamyurtimiz ayni paytda eng nufuzli hisoblangan WBC yo'nalishi reytingida 5-o'rinni egallab turibdi.