WBC “Yil kashfiyoti” bo'lishga davogarlarni oshkor qildi

Unga ko'ra, yarim og'ir vazn toifasida WBC yo'nalishi chempioni ukrainalik Aleksandr Gvozdik, shuningdek, Kristofer Rosales, Frenklin Manzanilya, Dillian Uayt, Xose Ramires hamda Rejis Progreys “Yil kashfiyoti” sifatida etirof etilishlari mumkin.

Davogarlar orasida Aleksandr Gvozdikning imkoniyati yuqori baholanmoqda. U 2018 yilda ikkita jang o'tkazdi. Gvozdik avvaliga Mehdi Amarni mag'lub etib, vaqtinchalik WBC chempionlik kamarini qo'lga kiritdi. Keyin esa kanadalik Adonis Stivensonni nokautga uchratib, to'laqonli chempionga aylandi.