08 noy 12:18
Yangiliklar

Tennis

WTA Finals. Arina Sobolenko ikkinchi finalchi!

Dunyoning birinchi raketkasi Arina Sobolenko Ar-Riyodda o'tkazilayotgan Yakuniy WTA turnirining finaliga yo'l oldi.

Belaruslik tennis malikasi 1/2 finalda WTA reytingida to'rtinchi o'rinda borayotgan amerikalik Amanda Anisimovani uch set natijasiga ko'ra mag'lubiyatga uchratdi - 6/3, 3/6, 6/3. Tennischilarning o'zaro uchrashuvlarida hamon Amanda oldinda bormoqda - 6:5.

Ikki soatu 23 daqiqa davom etgan bahsda Sobolenko 12, Anisimova 7 ta eys zarbasini amalga oshirdi. Qo'shxatolar 5 ga 4 ko'rinishida Amanda, breyklar jsa 5 ga 3 nisbatida Arina foydasiga hal bo'ldi. Sobolenko ikkinchi bor WTA Finals hal qiluvchi uchrashuvida o'ynaydi. Ilk bor 2022 yilda Karolin Garsiyaga yutqazgan. Arina Sobolenko finalda qozog'istonlik Elena Ribakinaga qarshi kortga chiqadi.