WTA reytingi. Abduraimova dahshatli tarzda pastladi, u tez orada Top-1000`ni tark etsa kerak

Yangilangan reytingda hamon belaruslik Arina Sobolenko katta farq bilan peshqadamlik qilyapti. U kuni kecha Germaniyaning SHtutgart shahrida yakuniga etgan turnirning finalida latviyalik Elena Ostapenkoga imkoniyatni boy berib qo'yganiga qaramay, o'z hisobiga qimmatli ochkolarni qo'shib oldi. Polshalik Iga Svyontek ikkinchi, amerikalik Jessika Pegula uchinchi o'rinni band etgan. Top-10`talik reytingda bitta o'zgarish kuzatildi. Qozog'istonlik Elena Ribakina 10-o'rindan 11-pog'onaga pastladi.  

Yangilangan reytingda to'rt tennischimizdan uch nafari o'z o'rnida qoldi. Milana Maslenkova bir pog'onaga yuqoriladi. Mamlakatimizning birinchi raketkasi Nigina Abduraimova ikki haftada 145 pog'onaga pastlagandi.  Yangi reytingda u yana 114 o'ringa tushdi va hozirda WTA reytingida 825-pog'onani egallab turibdi. Nigina 17 ochko yo'qotdi. Vlada Yakshibarova va Sabrina Olimjonova o'tgan haftadagi o'rinlarini saqlab qolishdi.

WTA reytingi. 22 aprel kungi holat:

1 (1). Arina Sobolenko (Belarus) - 10 768 ochko

2 (2). Iga Svyontek (Polsha) - 7383.

3 (3). Jessika Pegula (AQSH) - 6208.

4 (4). Koko Goff (AQSH) - 6073.

5 (5). Medison Kiz (AQSH) - 4999.

6 (6). Jasmine Paolini (Italiya) - 4930.

7 (7). Mirra Andreeva (Rossiya) - 4781.

8 (8). CHjen Cinven (Xitoy) - 4193.

9 (9). Paula Badosa (Ispaniya) - 3821.

10 (11). Emma Navarro (AQSH) - 3797.

11 (10). Elena Ribakina (Qozog'iston) - 3308…

O'zbekistonlik tennischilarning WTA reytingidagi o'rni:

825 (711). Nigina Abduraimova – 32 (-17)

908 (908). Vlada Yakshibarova – 25

1350 (1351). Milana Maslenkova – 5

1373 (1373). Sabrina Olimjonova – 4