WTA reytingi. Nigina Abduraimova 53 pog'ona quyiga "sho'ng'idi", Vlada ko'tarildi

Yangilangan reytingda hamon belaruslik Arina Sobolenko peshqadamlik qilyapti. Bu yil ham Avstraliya Ochiq chempionati finaliga etib kelgan Arina bosh sovrin uchun kechgan uchrashuvda amerikalik Medison Kizga imkoniyatni boy berib qo'ygandi. Kiz ushbu g'alabasi evaziga 14-pog'onadan 7-o'ringa ko'tarilib oldi. Polshalik Iga Svyontek ikkinchi, amerikalik Kori Goff uchinchi o'rinni band etgan. Qozog'istonlik Elena Ribakina ikki pog'onaga yuqorilab, Top-5`ga kirib oldi. 

Yangilangan reytingda to'rt tennischimizdan faqat biri ko'tarilishga muvaffaq bo'ldi. Ikkinchi raketkamiz Vlada Yakshibarova 7 pog'onaga yuqorilab, 920-o'rinni egallab turibdi. Mamlakatimizning birinchi raketkasi Nigina Abduraimova esa oz emas, ko'p emas, 52 pog'onaga pastlab, 536-o'ringa tushib ketdi. U 19 ochko yo'qotdi. Milana Maslenkova va Sabrina Olimjonova bir xilda 6 pog'onaga pastlashdi. 

WTA reytingi. 27 yanvar kungi holat:

1 (1). Arina Sobolenko (Belarus) — 8956 ochko.

2 (2). Iga SHvyontek (Polsha) — 8770.

3 (3). Kori Gauff (AQSH) — 6538.

4 (4). Jasmin Paolini (Italiya) — 5289.

5 (7). Elena Ribakina (Qozog'iston) — 4893.

6 (6). Jessika Pegula (AQSH) — 4861.

7 (14). Medison Kiz (AQSH) — 4680.

8 (5). CHjen Cinven (Xitoy) — 4095.

9 (8). Emma Navarro (AQSH) — 3709.

10 (12). Paula Badosa (Ispaniya) — 3608.

O'zbekistonlik tennischilarning WTA reytingidagi o'rni:

536 (484). Nigina Abduraimova – 88

920 (927). Vlada Yakshibarova – 24

1376 (1370). Milana Maslenkova – 4

1376 (1370). Sabrina Olimjonova – 4