WTA reytingi. Tennis malikalarimizdan biri 33 o'rin yuqoriladi, ikkinchisi aynan shuncha pog'ona pastladi

Yangilangan reytingda hamon belaruslik Arina Sobolenko katta farq bilan peshqadamlikni davom ettirmoqda. Amerikaliklar Koko Goff ikkinchi, Jessika Pegula kuchli uchlikdagi o'rinlarini saqlab qolishdi. Goff "Rolan Garros" chempionligi evaziga ochkolarini ko'paytirib, karvonboshi Sobolenkoga birmuncha yaqinlashib oldi. Xitoylik CHjen Cinven ikki pog'oraga yuqorilab, Top-5`ga kirdi.   

O'zbekistonning birinchi raketkasi Vlada Yakshibarova 4, ikkinchi raketkamiz Nigina Abduraimova esa 33 pog'onaga pastladi. Har ikki tennis malikamiz o'tgan hafta Toshkentda tashkil etilgan turnirda qatnashib, ikkinchi davrada raqibalariga yutqazib qo'yishgandi. Uchinchi raqamli tennischimiz Milana Maslenkova aksincha, 33 pog'onaga ko'tarilib oldi. Sabrina Olimjonova va Darya SHubina bir xilda - 9 pog'onaga pastlashdi. Toshkent turnirida 1/2 finalga etib kelgan SHubinaning ochkolar keyingi hafta reytingi uchun qo'shiladi va tabiiyki, u yaxshigina ko'tariladi.  

WTA reytingi. 9 iyun kungi holat:

1 (1) Arina Sobolenko (Belarus) - 11 553 ochko

2 (2) Koko Goff (AQSH) - 8 083

3 (3) Jessika Pegula (AQSH) - 6 483

4 (4) Jasmine Paolini (Italiya) - 4 805

5 (7) CHjen Cinven (Xitoy) - 4 668

6 (6) Mirra Andreeva (Rossiya) - 4 636

7 (5) Iga Svyontek (Polsha) - 4 618

8 (8) Medison Kiz (AQSH) - 4 484

9 (10) Paula Badosa (Ispaniya) - 3 684

10 (9) Emma Navarro (AQSH) - 3 649

O'zbekistonlik tennischilarning WTA reytingidagi o'rni:

892 (888). Vlada Yakshibarova – 27 

975 (942). Nigina Abduraimova – 20 (-2)  

1321 (1354). Milana Maslenkova – 6 (+1)

1386 (1377). Sabrina Olimjonova – 4 

1411 (1402). Darya SHubina – 3