WTA reytingi yangilandi. Olti nafar tennis malikamiz yuqoriladi, "legionerlar" o'z o'rnida!

Yangilangan reytingda Rossiyadan mahalliylashtirilgan tennis malikalarimiz Kamilla Rahimova, Polina Kudermetova va Mariya Timofeeva o'tgan haftadagi o'rinlarini o'zgarishsiz saqlab qolishdi. O'zbekistonning birinchi raketkasi Kamilla Rahimova 97, Polina Kudermetova 104, Mariya Timofeeva 143-o'rinni egallab turibdi. Qolgan olti nafar tennischimiz oz bo'lsa-da, reytingdagi o'rinlarini yaxshilab olishdi. To'rtinchi raketkamiz Litvadan mahalliylashtirilgan Layma Vladson 2, Vlada Yakshibarova 3, Milana Maslenkova 5, Sevil Yuldasheva 4, Nigina Abduraimova 2, Diana Yakovleva 3  pog'onaga ko'tarildi. 

Dunyo tennischilarining Top-10`taligida ham bu hafta hech qanday o'zgarish kuzatilmadi. Reytingda hamon belaruslik Arina Sobolenko katta farq bilan peshqadamlik qilmoqda. U 2025 yilni sayyoramizning birinchi raketkasi sifatida yakunlagan. Ikkinchi o'rindan polshalik Iga Svyontek joy olgan bo'lsa, kuchli uchlikka amerikalik Koko Goff yakun yasagan. 

WTA reytingi. 22 dekabr kungi holat:

1. (1) Arina Sobolenko (Belarus) - 10870 ochko

2. (2) Iga Svyontek (Polsha) - 8395

3. (3) Koko Goff (AQSH) - 6763

4. (4) Amanda Anisimova (AQSH) - 6287

5. (5) Elena Ribakina (Qozog'iston) - 5850

6. (6) Jessika Pegula (AQSH) - 5583

7. (7) Medison Kiz (AQSH) - 4335

8. (8) Jasmin Paolini (Italiya) - 4325

9. (9) Mirra Andreeva (Rossiya) - 4319

10. (10) Ekaterina Aleksandrova (Rossiya) - 3375...

O'zbekistonlik tennischilarning WTA reytingidagi o'rni:

97 (97). Kamilla Rahimova – 802

104 (104). Polina Kudermetova – 759

143 (143). Mariya Timofeeva – 513

879 (881). Layma Vladson – 30

1068 (1071). Vlada Yakshibarova – 16  

1192 (1197). Milana Maslenkova – 11 

1274 (1278). Sevil Yuldasheva – 8

1320 (1322). Nigina Abduraimova – 7  

1475 (1478). Diana Yakovleva – 3