WTA reytingi. Yanvar oyidan beri "tatil"da bo'lgan Abduraimova 88 pog'ona pastladi

Yangilangan reytingda hamon belaruslik Arina Sobolenko peshqadamlik qilyapti. Mayami turnirida chempion bo'lgan Arina o'tgan yilgi chempionlik ochkolarini muvaffaqiyatli himoya qildi. Polshalik Iga Svyontek ikkinchi, amerikalik Koko Goff uchinchi o'rinni band etgan. Rossiyalik 17 yoshli Mirra Andreeva 6-o'rindan 7-pog'onaga pastladi. Mayami turnirida 1/2 finalga qadar etib borib, sensaciya qayd etgan filippinlik Aleksandra Eala faoliyatida ilk bor Top-10`da debyut qildi. 

Yangilangan reytingda to'rt tennischimizdan uch nafari pastladi. Mamlakatimizning birinchi raketkasi Nigina Abduraimova 20 ochko yo'qotishi natijasida 88 pog'onaga pastladi va hozirda WTA reytingida 649-o'rinni egallab turibdi. Niginaning WTA saytidagi profilida uning so'nggi qatnashgan turniri sifatida 6-12 yanvar kunlari oralig'ida Nontaburi (Tailand) shahridagi ITF 75 musobaqasi qayd etilgan. Niginaning jarohati borligi yoki faoliyatini yakunlagani haqida malumotlar yo'q. Vlada Yakshibarova bir ochko jamg'argani evaziga aksincha, 10 o'ringa yuqoriladi. Milana Maslenkova va Sabrina Olimjonova bir xilda, 9 pog'onaga pastlashdi. 

WTA reytingi. 17 mart kungi holat:

1. (1) Arina Sobolenko (Belarus) - 10541 ochko

2. (2) Iga Svyontek (Polsha) - 7470

3. (3) Koko Goff (AQSH) - 6063

4. (4) Jessika Pegula (AQSH) - 5796

5. (5) Medison Kiz (AQSH) - 4949

6. (7) Jasmine Paolini (Italiya) - 4843

7. (6) Mirra Andreeva (Rossiya) - 4775

8. (9) CHjen Cinven (Xitoy) - 4135

9. (11) Paula Badosa (Ispaniya) - 3821

10. (8) Elena Ribakina (Qozog'iston) - 3808

O'zbekistonlik tennischilarning WTA reytingidagi o'rni:

649 (561). Nigina Abduraimova – 59 (-20)

914 (924). Vlada Yakshibarova – 25 (+1)

1351 (1342). Milana Maslenkova – 5

1371 (1362). Sabrina Olimjonova – 4