Xabib Fergyusonga o'zi bilan bitta UFC oqshomida jang o'tkazishni taklif qildi

Xabaringiz bor, Xabib 7 sentyabr kuni vaqtinchalik chempion Dastin Porega qarshi jang o'tkazadi. Fergyuson o'tgan hafta Donald Serroneni taqiqlangan zarba evaziga mag'lub etgan edi. 

“Fergyuson - Serrone qiziqarli jang, lekin mening uslubim emas. Bu jang “stoyka”da kechdi. Men raqiblarimni parterda jang o'tkazishga majbur qilaman. SHu orqali ularni holdan toydiraman. Kovboy boksni yaxshigina o'zlashtirgan, lekin oyoqlari yaxshi ishlamaydi. 

Toni men bilan “stoyka”da jang qilmoqchi bo'lyapti. Lekin bu rejasi hech qachon amalga oshmayldi. U juda ham ozg'in va men uni bir ushlashda parterga tushiraman. Parterda xoldan toydirib, keyin muddatidan avval g'alaba qozonaman. 

Albatta, Fergyuson 100 foizga chempionlik jangi uchun mehnat qildi va u bunga haqli. Ketma-ket 12 ta jangda g'alaba qozondi. O'ylaymanki, biz albatta oktagonda to'qnash kelamiz. Tonining Kovboyga qarshi revansh jangi hech kimga qiziq emas. Fergyuson ikkita raundda raqibidan yaqqol ustunlikka erishdi. Men Toniga Getjiga qarshi jang o'tkazishni va bu jang Abu-Dabidagi turnir doirasida bo'lishini tavsiya qilaman”, - deya Xabibning so'zlarini keltirmoqda ESPN.