Xalqaro og'ir atletika federaciyasi Bosh kotibi MOQda mehmon bo'ldi

Argentinada tashkil etiladigan III o'smirlar Olimpiya o'yinlariga licenziya beruvchi mazkur nufuzli musobaqaga Urganch shahri mezbonlik qiladi. Mazkur qita chempionatiga ko'rilayotgan tayyorgarlik jarayoni bilan bevosita tanishish maqsadida 16 mart kuni yurtimizga Xalqaro og'ir atletika federaciyasi Bosh kotibi iroqlik Muhammad Hasan Jalud etib kelgandi. 

O'zbekiston og'ir atletika federaciyasi raisining birinchi o'rinbosari SHahrillo Mahmudov hamrohligida Muhammad Hasan Jalud Urganchga yo'l oldi. U erda Osiyo chempionatiga ko'rilayotgan tayyorgarlik jarayoni bilan yaqindan tanishdi. Mehmonxonalar holati, sport majmuasidagi sharoitlar ko'zdan kechirildi.

SHundan so'ng kunning ikkinchi yarmida mehmon Toshkentga qaytib keldi va O'zbekiston Milliy olimpiya qo'mitasiga tashrif buyurdi. Uni MOQda Bosh kotib Jasur Matchanov kutib oldi. 

Tomonlar uchrashuvda musobaqaga ko'rilayotgan tayyorgarlik borasida fikr almashishdi. O'z navbatida mehmon Urganchdagi sharoitlardan ko'ngli to'lganligi, qolaversa Xivani aylanib, u erdan bir olam taassurot bilan qaytganligi, ochiq osmon ostidagi muzey shahar nomi bilan mashhur bo'lgan Xivani butun dunyoda yaxshi bilishlari haqida to'lqinlanib gapirdi. 

Qolaversa, musobaqa o'tkaziladigan manej, mehmonxonalar garchand 3-4 yulduzli bo'lsada, xalqaro standartlarga mos 5 yulduzli mehmonxonalardan aslo qolishmasligi, bu borada Urganchda musobaqani qabul qilish uchun xech qanday muammo yo'qligini bildirdi.

O'z navbatida MOQ Bosh kotibi Jasur Matchanov ham O'zbekiston ushbu musobaqaga 2017 yildan buyon tayyorgarlik ko'rayotganini, MOQ O'zbekiston og'ir atletika federaciyasi bilan yaqin hamkorlikni yo'lga qo'yganligi va bejizga ushbu musobaqa Urganchga ishonib topshirilmaganligiga izoh berdi.