Xamzat CHimaev Carukyan, Evloev va Yanning janglari bo'yicha o'z taxminini aytdi

"Borz"ning fikricha, Carukyan 19 sentyabr kuni Los-Anjelesda bo'lib o'tadigan UFC 331 turnirida braziliyalik Maurisio Ruffi bilan bo'ladigan jangda hech qanday muammoga duch kelmaydi.

"Ruffi – top darajadagi jangchi, yaxshi raqib, UFC`dagi eng yaxshi zarbachilardan biri. O'ylaymanki, agar Arman ham tik (stoyka) holatda, ham parterda ishlasa, unda umuman muammo bo'lmaydi. Arman va Ruffining kurash hamda greppling darajasi mutlaqo turlicha. Stoykada Ruffi juda yaxshi, lekin Arman ham stoykada yomon emas. Arman o'zini stoykada juda yaxshi his qiladi", – dedi rossiyalik jangchi Adam Zubaraevga bergan intervyusida.

SHuningdek, CHimaev 24 oktyabr kuni Abu-Dabida bo'lib o'tadigan UFC 333 turnirida uning vatandoshi Movsar Evloev yarim engil vazn toifasida avstraliyalik Aleksandr Volkanovskidan chempionlik kamarini tortib olishiga ishonchi komil.

"Rostini aytsam, Volkanovskiy oson raqib emas, kuchli va tajribali. Ko'plab besh raundlik janglar o'tkazgan. Lekin menimcha, hozir Movsarning vaqti keldi, chunki u ayni cho'qqida, och va bu lahzani uzoq kutdi. Men birinchi marta kamar uchun jang qilganda qanday his bo'lishini bilaman – bu boshqacha motivaciya va tarix yaratish imkoniyati. Dog'istonda UFC chempionlari bo'lgan, CHechenistonda ham, endi esa Ingushetiyaga ham navbat keldi. Hammasi qanday bo'lishini bilmayman, lekin Movsar uni muddatidan oldin mag'lub etishiga umid qilaman. Titulgacha muddatidan oldin g'alabalarsiz etib borish yaxshi, lekin kamar uchun bo'ladigan jangni muddatidan oldin yakunlash kerak", – deya qo'shimcha qildi UFC sobiq chempioni.

Petr Yan va Merab Dvalishvili o'rtasidagi trilogiyaning yakuniy jangi haqida gap ketganda, unda rossiyalik jangchi engil vazn toifasidagi UFC chempionlik kamarini himoya qiladi. CHimaev Abu-Dabidagi raqamli turnirning ikkinchi asosiy voqeasi maqomiga ega bo'lgan ushbu qarama-qarshilik g'olibini aniq ayta olmadi.

"Hozir hisob 1:1 va bu jang masalani hal qiladi. Rostini aytsam, bu vaznni unchalik kuzatmayman. Bungacha ularning janglarini to'liq ko'rmaganman, faqat parchalarni ko'rganman, lekin uslub jihatidan Pyotrning qanday jang qilishi menga yoqadi. Merab chidamli yigit, xarakterli, Pyotr esa chaqqon, tez – chiroyli jang qiladi, hammasi aniq. Lekin bilmayman – g'olibni aytishga qiynalaman", - deya so'ziga yakun yasadi CHimaev.