Xanchjou shahri Kurash bo'yicha Osiyo chempionatiga ham mezbonlik qiladi

Mazkur qita chempionati, xalqaro hakamlik seminari va kurash hakamlarining bir yulduz darajasi uchun imtixonlar 2023 yilning 25-29 aprel kunlari o'tkazilishi rejalashtirilmoqda.

Xalqaro Kurash associaciyasi Bosh kotibi, texnik direktor Muhammad Reza Nassiriy va Xanchjou-2022 Osiyo o'yinlari tashkiliy qo'mitasi azolari o'rtasida bir necha bor ZOOM platformasi orqali onlayn muloqotlar bo'lib o'tdi. 

Muloqot jarayonida ko'plab tashkiliy masalalar kelishib olindi. Unga ko'ra Osiyo chempionatida 15 ta vazn toifasida qitaning barcha kurash milliy federaciyalaridan kurashchilar ishtirok etishi mumkin. 

Bahslar Xanchjou shahrining "Linpu" sport majmuasida bo'lib o'tadi. Hakamlar seminari va imtixonlari, antidoping testlari ham aynan mazkur sport majmuasida bo'lib o'tishi kutilmoqda.

Eslatib o'tamiz, 2023 yilning 23 sentyabridan 8 oktyabri kuniga qadar Xitoyning Xanchjou shahrida XIX Yozgi Osiyo o'yinlari bo'lib o'tadi. Osiyo Olimpiadasi sifatida etirof etiladigan mazkur o'yinlar Dasturidan kurash sporti ham rasman o'rin olgan. Kurash bahslari 2-5 oktyabr kunlari "Linpu" sport majmuasida bo'lib o'tadi.

25-29 aprel kunlari o'tkazilishi rejalashtirilayotgan Osiyo chempionati Osiyo o'yinlari oldidan o'ziga xos tayyorgarlik vazifasini ham o'tab beradi.