Xolger Rune Bazelda bosh sovrinni ko'zlamoqda

Dunyoning 14-raketkasi Xolger Rune musobaqaning yarim final ishtirokchisiga aylandi. Daniyalik tennischi Swiss Indoors Basel 1/4 finalida ATP reytingida 54-pog'onada borayotgan belgiyalik David Goffinni ortiqcha qiyinchiliksiz mag'lubiyatga uchratdi - 6/2, 6/4.

Bu tennischilarning o'zaro o'tkazgan ilk uchrashuvi bo'ldi. Sakson bir daqiqa davom etgan bahsda Rune 6, Goffin 5 ta eys zarbasini amalga oshirgan. Qo'shxatolar 5 ga 3 ko'rinishida Xolgerda ko'proq bo'ldi. Breyklar bo'yicha ustunlik ham g'olib tennischi tomonida - 4 ga 1!