Xonobodda Bahodirlar o'yini bo'yicha Jahon Kubogi bo'lib o'tdi

Ushbu nufuzli musobaqalarda dunyoning 26 davlatidan polvonlar sovrinli o'rinlar uchun bahs olib bordi. Bellashuvlar 95, 105, 125 va +125 kg vazn toifalarida o'tkazildi. 95 kg vaznda terma jamoamiz azosi Nuriddin Ergashev chempionlik shohsupasiga ko'tarildi. Hamyurtimiz SHerzod Rajabov kumush, qozog'istonlik Mirzatay Baglan bronza medaliga sazovor bo'ldi. 

105 kg vaznli polvonlar bahsida terma jamoamizning yana bir azosi SHodilbek Ergashev chempion bo'ldi. Elyor Hamidov kumush, belaruslik Vlad Ilishshen bronza medali bilan taqdirlandi. 

125 kg vaznda rossiyalik David SHamey oltin medalga ega chiqdi. Dilmurod Qurbonov kumush, hindistonlik Krishna Salax bronza medalini qo'lga kiritdi. Eng og'ir +125 vazn toifasida rus polvoni David SHamey mutlaq g'olib bo'ldi. Kumush medal polshalik Mark CHaykovskiy, bronza esa gruziyalik CHabuxa CHixadzega nasib etdi. 

G'olib va sovrindorlarni tantanali taqdirlash marosimida Andijon viloyati hokimi, Bahodirlar o'yinlari va tosh ko'tarish bo'yicha Osiyo federaciyasi prezidenti SHuhratbek Abdurahmonov ishtirok etdi.

Musobaqa yakunlangach, Osiyo Bahodirlar o'yinlari va tosh ko'tarish federaciyasining navbatdagi yig'ilishi bo'lib o'tdi. Unda bir qator masalalar ko'rildi. Xususan, Ozodbek Saidov Osiyo Bahodirlar o'yinlari va tosh ko'tarish federaciyasi prezidentining bosh maslahatchisi etib saylandi.