Xosep Gvardiola: "Arteta deyarli engilmas jamoani tuzgan"

"Nima deyishim mumkin? Sovrinni yutish – bu muhim! Bu alohida voqea, chunki so'nggi ikki hafta og'ir kechdi. Birinchi 15 daqiqada ular bizni bo'g'ib qo'yishdi, biz nafas ololmadik. Keyin biz o'ynay boshladik. Juda xursandman, chunki Mikel [Arteta] deyarli engilmas jamoa tuzgan. O'n yil ichida beshinchi Liga kubok – yomon emas. Har safar sovrin yutish oldingisidan qiyinroq tuyuladi. Bu ko'p sabablarga ko'ra haqiqatan ham qiyin.

Yosh jamoa bilan g'alaba qozonishni boshlaganingizda, shu yo'nalishda davom etishingiz mumkin. Men o'yinchilarni bilishim kerak. Ular muayyan vaziyatlarda qanday harakat qilishini bilishim kerak. Zamonaviy futbolda har qanday raqib raqobatbardosh. Menimcha, biz kelajak uchun ishlayapmiz, umid qilamanki, kelgusi mavsumda yanada yaxshiroq o'ynay olamiz. Biz hali "Arsenal" yoki o'tmishdagi o'zimiz kabi jamoa emasmiz. Lekin biz sovrin qo'lga kiritish yo'lini topdik", - dedi Gvardiola.