Xosep Gvardiola "Tottenxem"ga qarshi o'yindan keyin Husanov haqida juda iliq fikr bildirdi

Ushbu uchrashuvdan keyin o'tkazilgan matbuot anjumanida "Siti" bosh murabbiyi Pep Gvardioladan Abduqodir Husanov haqida so'rashdi. Pep esa ushbu vaziyatda 20 yoshli himoyachi manziliga iliq so'zlarni bildirdi.

"Menga yong yoqqan narsa - Husanov allaqachon kiyinish xonasining yoqimtoyiga aylangan. U bugungi o'yinga tish cho'tkasi va boshqa narsalar turadigan maxsus sumkasiz, shunchaki futbol o'ynash uchun keldi. Siz unga gapirgan paytingiz, u faqat kulib turadi.

Ammo u juda ishonchli o'yinchi, juda tez, o'ta epchil, to'p bilan bergan paslarining sifati juda yuqori. U liniyalarni yorib o'ta olyapti, ushbu qobiliyat unda bor. Albatta, u yaxshilashi kerak bo'lgan jihatlar ham bor, ammo u endigina 20 yosh. Juda katta tezlikka ega o'yinchilarni ko'rganman, Abduqodir shundaylardan biri. 

Odamlar uni olqishlashmoqda. U kamgap, tinmay ishlaydi, nolimaydi, kamtar. "Siti" muxlislari uni juda yaxshi ko'rib qolishlariga shubham yo'q. "CHelsi"ga qarshi o'yindan keyin o'zini tiklab olishi oson emasdi, ammo u o'sha kundan boshlab o'ta bosiqlik ko'rsatdi. Oxirgi o'yinlarda Husanovning ko'rsatgan o'yini juda-juda ajoyib bo'ldi", - dedi Pep Gvardiola.