15 dek 10:41
Yangiliklar
![](/upload/storage/24753_220.jpg)
Xurshidbek Normatov: “Bugungi jang menga saboq bo'ldi”
Har ikkala bokschi ham bugungi janglariga qadar mag'lubiyatga uchrashmagan edi. Hamyurtimiz kuchli raqibiga faoliyatidagi ilk mag'lubiyatni taqdim eta oldi. Normatov Dibella Entertainment promouterlik kompaniyasi bilan shartnomaga ega. Biz bugungi jangdan so'ng Xurshidbekning fikrlari bilan qiziqdik.
“Jang men uchun o'ylaganimdan ham qiyinroq kechdi. Oson g'alabaga erishaman, deb biroz o'zgacha tayyorgarlikda ringga chiqqandim. Ochkolar hisobiga ko'ra yaqqol ustunlik bilan g'alaba qozonganimga qaramay, bu men uchun yaxshigina saboq bo'ldi. Keyingi janglarimda bu xatolarni takrorlamaslikka harakat qilaman.
Bugungi kunda Gari Stark va Andre Rozier bilan hamkorlikda ishlayapmiz. SHu murabbiylar qo'l ostida mashg'ulotlarni o'tkazib, janglarga tayyorgarlik ko'ryapman.
Rejaga ko'ra keyingi jangimni fevral yoki mart oylarida o'tkazishim kerak. SHundan so'ng kichik tatil uchun O'zbekistonga qaytaman. Hozir ota-onam ham men bilan birga AQSHdalar. Ularning duolari bilan g'alabalarga erishyapman”, - dedi Normatov.
Fikrlar