Xusler Sofiyada faoliyatidagi ilk sovringa ega chiqdi

Biroz kutilmaganda bosh sovrin dunyoning 95-raketkasi Mark-Andrea Xuslerga nasib etdi. SHveycariyalik tennischi 101 daqiqa davom etgan final uchrashuvida ATP reytingida 31-o'rinni egallab turgan daniyalik Xolger Runeni 6/4, 7/6(8) hisobida mag'lubiyatga uchratdi.

Andrea o'zaro uchrashuvlardagi hisobni 2:0 ko'rinishiga keltirdi. Xusler bahs davomida 7, Rune esa 11 ta eys zarbasini amalga oshirgan. Bu uning faoliyatidagi ilk sovrin edi. Xusler 250 reyting ochkosi va 81,310 evro mukofot puliga ham ega bo'ldi. Rune esa 150 ball va 47,430 evroga ega bo'ldi.