Yakkasaroy tuman prokurori kubogi uchun kurash musobaqasi o'tkazildi

Uning go'zalligi shundaki, u necha asrlar davomida shakllandi, takomillashdi, aqidalari umumbashariy falsafa bilan uyg'unlashib ketdi. Pirovardida, xalqimiz manaviyati va ruhiyatining tayanch nuqtalaridan biriga aylandi.

Kurash – shunchaki sport turi emas, asl mohiyatini anglaydigan kishilar uni tarbiya maktabi deb atashadi. Ayni maktab tarbiyalanuvchilari, kurash  maydonida halol bellashgan polvonzodalar hech qachon yurtga xiyonat qilmaydilar, yomon-salbiy illatlarga qarshi kurashadilar. Hozirda milliy sportimiz bo'lgan kurashni ommalashtirish, rivojlantirish, uni umummilliy sport turiga aylantirish bo'yicha qator ishlar amalga oshirilmoqda. Bu borada qator hamkor tashkilotlar bilan birgalikda kurash targ'ibotiga qaratilgan uchrashuvlar, turli musobaqalar o'tkazish muhim ahamiyatga ega. 

O'zbekiston Kurash Federaciyasi hamda Toshkent shahar Yakkasaroy tuman prokuraturasi hamkorligida Kurash bo'yicha o'smirlar va o'smir qizlar o'rtasida Yakkasaroy tuman Prokurori sovrini uchun musobaqa tashkil etildi. Unda o'smir qizlar 44, 57, 63 kg vazn toifalarida va o'smirlar 60, 65, 71, 77, 83 kg vazn toifalarida bahs olib bordilar. 

Kurash sport turiga yoshlarni, xususan qizlarimizni keng jalb etish, ulg'ayib kelayotgan kelajak avlod o'rtasida milliy sportimizni yanada ommalashtirish maqsadida eng engil vazn toifasida ham bellashuvlar tashkillashtirildi. Unda 44 kg vaznda Bektemir tumanidan Abdumannonova Zarina 1-o'ringa, Mirobod tumani vakili Bahromova Samira 2-o'ringa sazovor bo'ldilar.   

Qolgan natijalar quyidagicha  belgilandi:

Qizlar o'rtasida 

57 kg.vazn toifasi

1-o'rin Temirova Ozoda - Yakkasaroy tumani

2-o'rin Tangrieva Madina - Yakkasaroy tumani

3-o'rin Xurramova Sevinch - Mirzo-Ulug'bek tumani

3-o'rin Alixodjaeva Munisa - CHilonzor tumani.

+63 kg vazn toifasida

1-o'rin To'xtamishova Moxlaroyim – Yakkasaroy tumani

2-o'rin Toshpo'latova Parvona - Sirg'ali tumani 

3-o'rin Simkova Kristina – Mirzo-Ulug'bek tumani

3-o'rin Nodirova Indira – CHilonzor tumani.

O'smirlar o'rtasidagi bellashuvlar juda qiziqarli va taassurotlarga boy bo'ldi. SHuni mamnuniyat bilan etirof etish joizki, poytaxtimizning barcha tumanlaridan bosh sovrin uchun kurash olib borgan yosh iqtidor  egalari  kurash usullarini mahorat va epchillik bilan amalga oshirib, nafaqat musobaqa hakamlarining, balki turnirni katta qiziqish bilan kuzatib borgan kurash ixlosmandlarining olqishlariga sazovor bo'ldilar. Jumladan, musobaqada CHilonzor tumani sharafini himoya qilgan Dilshod Boboxonov hamda Yakkasaroy tumanidan Samandar G'ayratov va Dilshod SHukrullaevlar yosh umidli sportchilar qatorida mutaxassislar etirofiga  erishdilar.  O'smirlar o'rtasidagi natijalar quyidagicha belgilandi:

60 kg vazn toifasi

1-o'rin Boboxonov Dilshod - CHilonzor tumani

2-o'rin Nurxonov Ozod – Yakkasaroy tumani

3-o'rin Toshmanov Nodir – SHayxontohur tumani

3-o'rin Sodiqov Akobir – Mirzo-Ulug'bek tumani

65 kg vazn toifasi

1-o'rin G'ayratov Samandar – Yakkasaroy tumani

2-o'rin G'aybullaev Mashrab – Yakkasaroy tumani

3-o'rin Aloviddinov Bobur – Yunusobod tumani

3-o'rin Qurbonov Baurjan – SHayxontohur tumani

71 kg vazn toifasi

1-o'rin SHukrullaev Dilshod – Yakkasaroy tumani

2-o'rin Xerxemadze Ismoil – Olmazor tumani

3-o'rin Turdiev Mehroj – CHilonzor tumani

3-o'rin Hasanov Timur Yakkasaroy tumani

77 kg vazn toifasi

1-o'rin Jo'raev Temurbek – Yakkasaroy tumani

2-o'rin Abdurazzoqov Behruz – Olmazor tumani

3-o'rin Yusupov Rustam – Yunusobod tumani

3-o'rin Amirbekov SHoxjahon – Olmazor tumani

+83 kg vazn toifasi

1-o'rin Maqsudov Mahmud – Yakkasaroy tumani

2-o'rin Tangriev Muhammadali – Yakkasaroy tumani

3-o'rin Ergashev Boymurod – CHilonzor tumani

3-o'rin Madartov Farrux – CHilonzor tumani.

Musobaqa yakunida barcha g'olib va sovrindorlar musobaqa tashkilotchilari tomonidan medal va  diplomlar bilan taqdirlandilar. Umid qilamizki,  yosh kurashchilarimiz kelajakda xalqaro arenalarda Vatanimiz sharafini munosib himoya qilib, kurashimiz dovrug'ini olamga yoyadilar. 

O'zbekiston Kurash Federaciyasi Matbuot xizmati