Yakshanba – ommaviy sport kuni

Loyiha O'zbekiston yoshlar ittifoqi Toshkent shahar kengashi tomonidan Prezidentimizning joriy yil 20 sentyabrdagi jismoniy tarbiya va sport sohasini rivojlantirish masalalariga bag'ishlangan yig'ilishida belgilab berilgan ustuvor vazifalar ijrosi doirasida o'tkazildi.

Mirzo Ulug'bek nomidagi O'zbekiston milliy universiteti va Toshkent davlat texnika universiteti talabalari uchun tonggi badantarbiya hamda futbol, voleybol, suzish, stol tennisi, armrestling musobaqalari o'tkazildi.
Sport tadbirlari Rishod Sobirov hamda Jakartada o'tkazilgan 18-Osiyo o'yinlari sovrindori Darya Latysheva tomonidan olib borildi.
Uch ming nafarga yaqin yoshlarni qamrab olgan “Yakshanba – ommaviy sport kuni” loyihasi endilikda muntazam o'tkazib boriladi.

Bundan tashqari, joriy yilning 1-6 oktyabr kunlari poytaxtimizning 86 ta obektida 400 ga yaqin ommaviy sport tadbirlari o'tkazilishi rejalashtirilmoqda.