Yana Sindarov - Magnus uchrashuvi bo'lib o'tdi. Bibisarada ikkinchi g'alaba!

Unda o'z tarkibiga yulduz shaxmatchilarni jamlagan oltita jamoa g'oliblik yo'lida bahs olib bormoqda. Hamyurtimiz Javohir Sindarov musobaqaning bu yilgi mavsumida Fyers American Gambits jamoasi sharafini himoya qilmoqda. Javohirning jamoasida qozog'istonlik Bibisara Assaubaeva, rossiyalik Danil Dubov, hindistonlik Nihal Sarin, franciyalik Mark-Andria Mauricci hamda ispaniyalik xalqaro master Sara Hadem ham bor. Sindarov jamoasining birinchi —  Icon taxtasida dona surmoqda.

Tech Mahindra Global Chess League turnirining navbatdagi kuni Javohir Sindarov sardorligidagi Fyers American Gambits jamoasi asosiy raqib - Magnus Karlsen boshchiligidagi Alpine Apl Pipers jamoasiga qarshi bahs olib bordi. Birinchi doskada aynan Sindarov - Karlsen qarama-qarshiligiga guvoh bo'ldik va afsuski bu safar Javohir qora donalarda o'ynab, nomdor raqibiga imkoniyatni boy berib qo'ydi. 

Kamiga rossiyalik Daniil Dubov ham o'z partiyasida hindistonlik Vidit Gujrathiga yutqazdi. Qolgan uchta partiyada durang natija qayd etildi. 

Qozog'istonlik Bibisara Assaubaeva raqibasini mag'lubiyatga uchratgan bo'lsa-da, lekin umumiy hisobda bu o'yinda Magnus Karlsenning Alpine Apl Pipers jamoasi 9:7 hisobida zafar quchdi. Har ikki jamoa kechagi tur oldidan 15 ochkodan jamg'argan va qo'shimcha ko'rsatkichlarga ko'ra Sindarov jamoasi peshqadamligini saqlab turgandi. Kechagi g'alaba evaziga Alpine Apl Pipers 18 ochko bilan Fyers American Gambits jamoasidan o'tib ketdi. 

Qo'shimcha ko'rsatkichlarga ko'ra qo'lga kiritdi. Ganges Grandmasters jamoasi 18 ochko bilan turnir jadvalida peshqadamlik qilmoqda. Bir kun avval Sindarov jamoasi bilan birga rossiyalik taniqli grossmeyster Yan Nepomnyashiy boshchiligidagi Ganges Grandmasters jamoasini yirik 13:5 hisobida taslim etgandi. Fyers American Gambits jamoasi kechagi mag'lubiyatdan keyin 15 ochko bilan uchinchi pog'onaga tushdi. 

Bugun 10-tur uchrashuvlari o'tkaziladi. Unda Javohir Sindarov sardorligidagi Fyers American Gambits jamoasi Cheq Mumba Masters jamoasiga qarshi bahs olib boradi. Birinchi doskada Javohir Sindarov franciyalik Maksim Vashe-Lagravga qarshi dona suradi. Raqib jamoa tarkibida SHaxriyar Mamedyarov, Vladimir Fedoseev, Klarissa Yip, Harika Dronovalli va Bardiya Daneshvar bor.