Yaponiyada ishlayotgan o'zbekistonlik mutaxassis: "Olimpiadada mezbon jamoani boshqarish menga qo'shimcha kuch beradi"

"Darhaqiqat, men hozirda Yaponiya terma jamoasining bosh murabbiyi hisoblanaman. Yaponiyaliklar bilan ishlayotganimga olti oydan oshdi. Umuman olganda, yaponlarni o'zbek bokschilaridan bir nechta farqi bor. Umid qilamanki, terma jamoani Olimpiya o'yinlariga yaxshi tayyorlab, musobaqada munosib ishtiroklarini taminlay olamiz.

Olimpiadada mezbon terma jamoani boshqarish juda ham masuliyatli ish. Bundan tashqari, bu menga katta xohish beradi, sababi 60 yoshga kirdim, menga shu yoshimda ham ishonishmoqda va hali kerakligimni anglashga hissa qo'shadi, menga qo'shimcha kuch beradi.

Umuman olganda, Yaponiya o'z uyida tashkil etiladigan Olimpiya o'yinlariga barcha sport turlari bo'yicha juda jiddiy tayyorgarlik ko'rmoqda. Olimpiya markazi bor. U erda barcha terma jamoalar shug'ullanishlari uchun sharoitlar mavjud. Turar joy, vitamin, oziq-ovqat, mashg'ulotlar o'tkazadigan zal barchasi mavjud. Men jamoam bilan ham aynan shu markazda mashg'ulot o'tkazaman", - dedi Vladimir SHin.