“Yashil” hududlarga sport qaytmoqda

Yurtimizga koronavirus pandemiyasi kirib kelishi va tarqalishining oldini olish bo'yicha Respublika maxsus komissiyasining 2020 yil 29 maydagi qaroriga asosan 2020 yil 1 iyundan “yashil” hududlarda sport sekciyalari, to'garaklari, sport zallari va fitnes klublar faoliyatiga ruxsat berildi.

Joriy yil 4 iyundan boshlab Toshkent viloyatining “yashil” hududlar toifasiga kiruvchi Olmaliq shahridagi bolalar-o'smirlar sport maktabida karantindan so'ng ilk bor ayrim sport sekciyalari o'z faoliyatini boshladi.

Olmaliq shahar bolalar-o'smirlar sport maktabi shahar sanitariya va epidemiologiya markazining ruxsati asosida hamda karantin qoidalariga qatiy amal qilgan holda (muassasaga kirishda, tana haroratini o'lchovchi pirometr vositasi orqali tekshiruvdan o'tgach, mashg'ulotlarda qatnashishga ruxsat etilmoqda) faoliyatini boshladi va kun davomida sport zali dezinfekciya qilib turilmoqda.

Respublika bo'ylab “yashil” hududlarda qaytadan faoliyatini boshlayotgan sport sekciyalari mutasaddilariga Jismoniy tarbiya va sport vazirligining 645-sonli buyrug'ida ko'rsatib o'tilgan talablarga asosan, sanitariya va gigiena qoidalariga qatiy rioya qilgan holda, mashg'ulotlar o'tkazish bo'yicha kerakli tavsiyalar berilmoqda.