Yosh qilichbozlar Qarshi shahrida rapira yo'nalishida bellashdilar

Mazkur turnirning birinchiligi uchun Qashqadaryo hamda Xorazm viloyati qilichbozlari o'zaro bahs olib borishdi. Yakkalik hamda jamoaviy bahslar yakuniy natijalariga ko'ra quyidagi sportchilar ushbu Ochiq turnir sovrinlariga ega bo'ldilar:

Qizlar o'rtasida yakkalik birinchiligi uchun olib borilgan bellashuvlarda Karshi shahridan Tatyana Klicheva shohsupaning yuqori pog'onasini egallab, birinchi o'rinni qo'lga kiritdi. 2-o'rinni esa Xivalik (Xorazm viloyati) O.Ruzmetova egalladi. Musobaqaning 3-o'rni Qarshi shahridan Kamila Allaberdieva va Xorazm viloyati sportchisi A.Rajabbaevalarga nasib etdi.

O'g'il bolalar o'rtasida qizg'in kechgan yakkalik kurashida Xivalik qilichboz A.Zaripboev g'oliblikni qo'lga kiritib, mazkur turnirning birinchi o'rniga loyiq deb topildi. 2-o'rinni Qarshi shahridan, Xusan Marufjlonov egalladi. 3-o'rin esa, Qashqadaryolik rapiristlar Roman Djuraev hamda Samandar Xaydarovlarga nasib qildi.

O'g'il bolalar hamda qizlar o'rtasida qilichbozlikning rapira yo'nalishida o'tkazilgan jamoaviy bahslar yakuniga ko'ra Qarshi shahri sportchilari 1- o'rinni qo'lga kiritishdi.

1-o'rin — Qarshi sh.

2-o'rin — Xiva sh.

Aytish kerakki, mazkur musobaqa o'zining ahamiyatliligi bilan yoshlar o'rtasida qilichbozlikni yanada ommalashtirish, kelajak avldod salomatligini mustahkamlash, kichik yoshdagi sportchilarning qilichbozlik bo'yicha sport mahoratlarini oshirish, mamlakatimiz mintaqalari o'rtasida o'zaro do'stlik va sport munosabatlarini mustahkamlash hamda murabbiylarning tajriba almashinuvini samarali amalga oshirish kabi maqsadlarga xizmat qiladi. 

O'QF matbuot xizmati