Yoshlar o'rtasidagi ATP Yakuniy turnirida chempion aniqlandi

Yigirma bir yoshgacha bo'lgan tennischilar o'rtasidagi musobaqaning hal qiluvchi final uchrashuvida dunyoning 49-raketkasi bo'lib turgan amerikalik Brendon Nakashima ATP reytingida 74-pog'onadan joy olgan chexiyalik Irji Lexechkani 4/3(5), 4/3(6), 4/2 hisobida taslim etdi.

Tennischilar kortga 83 daqiqa harakat qilishgan. AQSH vakili o'zaro uchrashuvlardagi hisobni 2:0 ko'rinishiga keltirdi. Aynan shu turnirning guruh bahsida ham Nakashima raqibini mag'lub etishni uddalagandi. 

Nakashima 11, Lexechka 4 ta eys zarbani amalga oshirgan. Milandagi muvaffaqiyatli ishtirok g'olib tennischiga 432,750, Lexechkaga esa 251,750 AQSH dollari taqdim etgan.