Yunon-rum kurashi. Rustam Assakalov oltin medal, to'rt nafar sportchimiz esa bronza uchun jang qiladi

Kecha bo'lib o'tgan bahslarda Elmurat Tasmuradov oltin, Mo'minjon Abdullaev esa kumush medal sohibiga aylangani haqida xabar qilgandik.

Bugun yunon-rum kurashi bo'yicha bahslarida ishtirok etayotgan besh nafar polvonlarimiz musobaqada medallar uchun jang o'tkazmoqdalar.

Hozirgacha saralash bahslari yakunlandi. Quvonarlisi, bugun turnirda qatnashayotgan barcha sportchilarimizda medal qo'lga kiritish imkoniyati mavjud. -97kg vazn toifasida gilamga chiqqan Rustam Assakalov barcha raqiblarini mag'lubiyatga uchratib, finalgacha etib keldi. Endi u oltin medal uchun eronlik Saidganbar Salohizodaga qarshi bahs olib boradi.

SHuningdek, Islomjon Bahromov, Mirzobek Rahmatov, Aram Vardanyan va Nurbek Hoshimbekovlar bronza medali uchun gilamga chiqadilar.


Kechki dasturda hamyurtlarimiz ishtirokidagi bellashuvlar:

Final

-97kg: Rustam Assakalov - Saidganbar Salohzoda


Bronza medali uchun bahslar:

-60kg: Islomjon Bahromov - YU Xung Lin (Xitoy Taypeyi)

-67kg: Mirzobek Rahmatov - Manish (Hindiston)

-72kg: Aram Vardanyan - Jiang Yuan (Xitoy)

-82kg: Nurbek Hoshimbekov - Singh Xarpret (Hindiston)

Mazkur bahslarda sportchilarimizga omad tilab qolamiz.