Zabelinskaya nima sababdan Rossiya termasidan voz kechib, O'zbekiston termasiga o'tganini aytdi

Bunga qadar Olga Rossiya termasi sharafini himoya qilgan va Olimpiadaning uch medalini qo'lga kiritgan: Rio-206da kumush, London-2012da ikkita bronza.

"Riodagi shohsupada turgan paytim termani almashtirish g'oyasi kelgan. Aynan nima sababligi esda yo'q, ammo o'shanda nafaqat meni, balki boshqalarni ham qadrlanmasligini tushunganman. U erda faqatgina ayrim sport turlaridagi sportchilar qadrli, aynan kimlar ekanligini aytmayman, buni hamma yaxshi bilsa kerak. Qolgan sportchilar esa - ortiqcha yuk.

Biroq o'shandagi emociyalar ichimdagi qarorlardan ko'ra ko'proq edi. O'zbekiston termasidan taklif tushganidan keyin, buni birdaniga qabul qilmadim, yarim yil o'yladim, ko'p narsalarni ko'rib chiqdim. Velosport rahbariyati vakillari bilan uchrashuvdan keyin, o'zimni O'zbekistonda ko'ra boshladim. Ular o'zlarining ajoyib sodiqligi bilan menga juda katta kuch berishdi, shu sababli hech nimani o'ylab o'tirmasdan taklifga ijobiy javob berdim. Hatto barchasini boshqatdan boshlash kerakligini ham o'ylab o'tirmadim. O'sha paytdagi etibor borasida O'zbekistonga teng keladigani yo'q edi.

Endi esa o'tgan 5 yil davomida federaciya anchagina kuchaytdi, sport vazirligi va Olimpiya qo'mitasi orqali yana ikkita juftlik paydo bo'ldi - ayollar o'rtasidagi professional shosse jamoasi. Ayni damda bu jamoa UCI reytingida yuqori o'rinlarda bormoqda, kuchli 20likda yuradi va faqatgina Women’s World Tour jamoalaridangina ortda qolishi mumkin. Hatto ularning birorta texnik homiysi yo'q! Rossiyada bunday bo'lishi mumkin emas. Menimcha, boshqa hech qaysi davlatda.

Rossiyada bo'lmaganimga ancha bo'ldi. Hozir u erda sportga bo'layotgan etibor qandayligini bilmayman ham. Hali ham umid qilishyapti, deb xato qilgan bo'lay. SHunday bo'ldi-ki, Rossiyada gaplashib turadigan insonlarim ham juda kam. Barcha yaqinlarim Kiprda yashashadi. U erda men hayotimning asosiy qismini o'tkazaman va mashg'ulotlar uchun ham juda mos", - dedi Zabelinskaya.