Zamonaviy beshkurashda hamkorlik aloqalari yangi bosqichga ko'tariladi

73-kongress davomida delegatlar UIPM prezidentligi, vice-prezidentligi va Ijroiya qo'mita azoligi uchun nomzodlarga ovoz berishdi.  

Xalqaro tashkilotga AQSH Zamonaviy beshkurash federaciyasi prezidenti Robert Stull yangi prezident etib saylandi. Yig'ilishda, shuningdek UIPM Ijroiya kengashi tarkibi belgilab olindi.  

Kongress davomida O'zbekiston zamonaviy beshkurash federaciyasi raisi Bahromjon Gaziev yurtimizda ushbu sport turini yanada rivojlantirish borasida xalqaro tashkilot mutasaddilari, zamonaviy beshkurash bo'yicha katta tajribaga ega chet ellik mutaxassislar bilan muloqot qildi. Bir qator manfaatli kelishuvlarga erishildi.  

Uchrashuvlar chog'ida Xalqaro zamonaviy beshkurash federaciyasining yangi saylangan prezidenti Robert Stull O'zbekistonda ushbu sport turi qisqa fursatda katta yuksalishga erishganini, mamlakatimiz zamonaviy beshkurashchilari o'tgan Olimpiya o'yinlarining 2 ta yo'llanmasiga ega chiqqanini etirof etib, hamkorlik aloqalarini yangi bosqichga olib chiqish, dunyoning etakchi terma jamoalari bilan o'quv-mashg'ulot yig'inlarini tashkil etish kabi bir qator masalalarda ko'mak berishini bildirib o'tdi.