Zverev - "Rolan Garros" turnirining ikkinchi finalchisi!

Dunyoning to'rtinchi raketkasi Aleksandr Zverev "Katta Dubulg'a" turkumiga kiruvchi "Rolan Garros" turnirining finalchisiga aylandi. Germaniyalik tennischi 1/2 finalda ATP reytingida 7-o'rinni egallab turgan norvegiyalik Kasper Ruudni to'rt set natijasiga ko'ra mag'lubiyatga uchratdi - 2/6, 6/2, 6/4, 6/2.

Bu bilan olmon tennischisi 2020 yildan keyin ilk "Katta Dubulg'a" turnirlarining finalida o'ynaydigan bo'ldi. Zverev Ruudga qarshi o'zaro beshinchi uchrashuvga kelib hisobda oldinga chiqib oldi - 3:2. 

Ikki soatu 38 daqiqa davom etgan bahsda Aleksandr 19 ta eys zarbasini amalga oshirigna muvaffaq bo'ldi. Ruudda bu ko'rsatkichni 4 tani tashkil qildi. Endi Zverev "Rolan Garros" bosh sovrini uchun ispaniyalik Karlos Alkarazga qarshi kortga chiqadi.