Zverev turnir kashfiyoti Tabiloni to'xtatdi

Dunyoning beshinchi raketkasi Aleksandr Zverev 1/2 finalda musobaqa kashfiyotiga aylangan chililik Alexandro Tabiloni irodali tarzda mag'lub etdi - 1/6, 7/6(4), 6/2. ATP reytingida 32-o'rindan joy olgan Tabilo nomdor raqiblarini mag'lub etib, final ostonasiga qadar etib keldi.    

Bu tennischilarning o'zaro o'tkazgan ilk uchrashuvi bo'ldi. Ikki soatu 19 daqiqa davom etgan bahsda Zverev 10, Tabilo 7 ta eys zarbasini amalga oshirgan. Qo'shxatolar olmon tennischisida ko'proq bo'ldi - 5 ga 3. Ikkala tennischi ham 2 tadan breykka erishgan. Birinchi setda hech narsa qila olmagan Zverev ikkinchi setning tay-brekida o'yinga qaytdi.