Zverev US Open 1/8 finaliga chiqdi

Germaniyalik tennischi ATP reytingida 77-pog'onada borayotgan argentinalik Tomas Martin Etcheverrini to'rt set natijasiga ko'ra mag'lubiyatga uchratdi - 5/7, 7/5, 6/1, 6/3. Zverev tennischilarning o'zaro ikkinchi uchrashuvida ham raqibi ustidan zafar quchdi. 

Uch soatu 35 daqiqa davom etgan bahsda Zverev 12, Etcheverri 8 ta eys zarbasini amalga oshirdi. Qo'shxatolar olmon tennischisida uch barobar ko'p bo'ldi - 6 ga 2. Breyklar bo'yicha ustunlik ham g'olib tennischi tomonida bo'ldi - 8 ga 4. Endi u amerikalik Brendon Nakashimaga qarshi kortga chiqadi.