31 дек 15:31
Новости

Теннис

14 ёшли теннисчи бош соврин учун кортга чиқади

Туниснинг Монастир шаҳрида ўтказилаётган теннис бўйича ITF турнири ўз якунига етиб бормоқда.

Мукофот жамғармаси 15 000 долларни ташкил этувчи мусобақанинг 1/2 финалида франциялик 14 ёшли Ксения Ефремова WTA рейтингида 737-поғонада бораётган россиялик Милана Жабраиловани мағлубиятга учратди - 6:4, 6:0.

Маълумот учун, собиқ россиялик иқтидор эгаси шу йилнинг сентябрь ойидан Франция терма жамоаси шарафини ҳимоя қилмоқда. У дунёга машҳур Патрик Муратоглу академиясида теннис сир-асрорларини ўрганган. Ксения фаолиятида илк бор ITF турнирининг финалида ўйнайди. Бундан аввалги энг яхши натижаси чорак финал бўлган. Ноябрь ойида айнан Монастирда ўтган турнирда у ярим финал остонасида тўхтатилган эди.