19 сен 10:23
Новости
Теннис
17 ёшли Линда фаолиятидаги илк WTA совринини қўлга киритди
Ҳиндистоннинг Ченнай шаҳрида ўтказилган теннис бўйича WTA турнири 17 ёшли Линда Фрухвиртованинг триумфи билан якунланди.
WTA рейтингида 130-поғонадан жой олган Линда ҳал қилувчи финал учрашувида дунёнинг 67-ракеткаси, польшалик Магда Линеттдан 4/6, 6/3, 6/4 ҳисобида устун келди.
Чехиялик теннисчи 2 соату 41 дақиқа давом этган баҳсда 1 та эйс, 3 та қўшхато ва 3 та брейк қайд этди. Ушбу ғалабаси эвазига у ўзаро учрашувлардаги ҳисоб мувозанатини тиклади.
Ҳиндистон турниридаги муваффақиятли иштирок Фрухвиртовага 280 рейтинг очкоси ҳамда 33,200 доллар мукофот пули келтирди. Бу 17 ёшли теннисчининг фаолиятидаги илк WTA соврини бўлди. Бугун эълон қилинган рейтингда чехиялик 74-поғонага кўтарилиб олди.
Ссылка :
Источник : gotennis
Комментарии