02 июн 12:55
Новости

Теннис

17 ёшли Мирра Андреева фаолиятида илк бор "Ролан Гаррос" 1/8 финалига чиқди

Россиялик 17 ёшли иқтидор эгаси теннис оммасини ҳайрон қолдиришда давом этмоқда.

Дунёнинг 38-ракеткаси бўлиб турган Мирра Андреева "Ролан Гаррос" турнирининг 1/16 финал босқичида WTA рейтингида 62-поғонадан жой олган америкалик Пейтон Стирнсга ҳеч қандай имконият қолдирмади - 6/2, 6/1.

Бу билан Мирра теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. Олтмиш тўққиз дақиқа давом этган баҳсда Андреева 2 та эйс, 6 та брейкка эришиб, 2 та қўшхатога йўл қўйди. Энди у нимчорак финалда франциялик Варвара Грачёвага қарши кортга чиқади.