02 мая 10:16
Новости

Теннис

17 ёшли Мирра Андреевани 1/4 финалда тўхтатишди

Дунёнинг 43-ракеткаси бўлиб турган Мирра Андреева Мадрид WTA 1000 турниридаги иштирокини якунлади.

Куни кеча 17 ёшга тўлган россиялик иқтидор эгаси 1/4 финалда дунёнинг иккинчи ракеткаси, беларуслик Арина Соболенкога 1/6, 4/6 ҳисобида ютқазиб қўйди. Тажрибали Арина теннисчиларнинг ўзаро иккинчи учрашувида ҳам Миррадан устун келди. Бир йил аввал Соболенко айнан шу турнирнинг тўртинчи даврасида Андреевани мағлуб этганди.

Етмиш тўққиз дақиқа давом этган баҳсда Андреева 3, Соболенко 1 та эйс зарбасини амалга оширган. Қўшхатолар Миррада кўпроқ бўлди - 2 га 1. Брейклар бўйича мутлақ устунлик Аринада - 3 га 0. Энди беларуслик теннис маликаси Mutua Madrid Open 1/2 финалида қозоғистонлик Елена Рибакинага қарши кортга чиқади.